عـــــــــارف أحلــــــــي حـــــاجـــــه فـ مـصــــــــــــــر إيــــــــــه ؟
لما تكون بتتخانق ف الشارع
وتلاقي حد قال بعلوّ صوته
" ما تصلوا عالنبي يا جماعه "
ف تلاقي المشكله إتحلت [♥]
لما تكون زعلان أو مضايق ..
100 % بتلاقي حد يضحكك ويخرجك م المود ده [♥]
لما تكون أمك بتعملكم البانيه بقالها ساعتين
وإنت كل شوية تخش تسرق حته D:
ويوم متقفشك تقولك " بالهنا والشفا " [♥]
لما تكون رايح إمتحان صعب وحاسس إنك مش مزاكر ..
تتصل بأعز صاحب ليك تحكيله يقولك
" ياعم ما أنت كده هتسقط وش "
وهو من جواه بيقولك ربنا يوفقك [♥]
لما تروح تتقدم لبنت وأبوها وأمها يطلعوا عينك
والجوازة تبوظ ف تقول الحمد لله ..
ف ربنا يرزقك أحسن منها [♥]
لما تكون عايش برا مصر وهتموت وترجع ..
ولما ترجع تقعد تشتم في الاوضاع الي فيها
عشان نفسك تبقي احلي بلد
أو لما حد مش مصري يتكلم عليها كلام وحش
ف تقوم رااازعه علقة موت [♥]
لما تشوف في رمضان موائد الرحمن
وناس مكنتش لاقيه تاكل
وتحس إنك شاركت في ثواب إطعامهم [♥]
لما تلاقي واحد مسيحي صاحبك
بيكلمك في العيد يقولك كل سنة وانت طيب ~
فرحتنا في كل وقت ومن غير سبب
رغم كل الاحداث اللي بنمر بيها في البلد ~

 مـــــــــــــــــــصـــــــــــــــــــــــــــــ ــــــــــــــــر