لو مُت يا أمى ما تبكيش
عارفه إنى جوه قلبك هعيش
يمكن موتى يا أمى ده راحه
طالما أنا في الدنيا مش مرتاحه
تعبت يا ماما من سنيني
وكل يوم هيزيدلك حنيني
متدمعيش يا ضى عنيا
محتاجه بس دعوه هديه
منك ومن قرايبى ومن صحابي
وأبويا وجيرانى وأحبابي
قولى لبابا ميزعلش
محققتش حلمه معلشِ
ربنا يعوضهولنا بالجنة
كان نفسي تشوفينى عروسه بفستان
وأفرح وأشوف فرحة فى عنيكي
متخافيش يا ماما مش هغيب عنك
وفي الحلم أنا راح أجيكي
مش عاوزة أشوف دمعة عنيكي
وبلغى سلامى لجدتى
وقوليلها هتوحشنى دى دنيتي
هى عارفه إنى بحبها
وأنا حاسه باللى في قلبها
على فراقها ربي يصبرنى
وعلى بعدك يا أمى يقدرنى
وقولى لأصحابي ميزعلوش
وحياة غلاوتى ميدمعوش
وعرفيهم إنى بحبهم
وكل يوم بشتاقلهم
كان نفسي أفضل جنبهم
عرفيهم إنى عمرى ما هنساهم
وبروحى وقلبي أنا وياهم
خليهم يدعولى يا غاليه
ومينسونيش حتى لو ثانيه
أما رسالتى لبابا دى دعوة
بدعيلك ربي يقدرك
ومن صحتك ما يحرمك
وطول حياتك يا رب يكرمك
ويخليك دايما مرفوع الراس
آسفه يا بابا محققتش حلمك
مش هبقي دكتورة تعالج مرضك
على عينى يا بابا وحياتك
كان نفسي تبقي فخور بيا
وأنا متخرجه وشهادتى في إيديا
إعذرنى يا غالى على فراقك
بس ربي حس بيا
بقولك يا ماما في ناس مش هبعتلهم معاكى رسالة
لأنى عارفه إنهم حاسين بكل كلمة متقاله
بس هما هيوحشونى
بعد ما كانوا بيضمونى
هتحرم منهم
وهبعد عنهم
وبدعى ربي يداوى قلوبهم
وقولوا لعيلتى وكل أحبابي
يا رب أشوفكم في الجنه معايا
يوم لقاكم ده يوم منايا
وفي حضن ماما راح اترمى
وأقول لبابا وحشتنى
وأقول لجدتى ضمينى
وبإيدها تمسح دمعة عيني
وأقف مع أصحابي
ونضحك زى زمان
وأعرفهم إنى كنت شيفاهم
وفي كل حاجه كنت حساهم
فرحهم حزنهم ضحكتهم دمعهم
وفي آخر رسالتى يا أمى
بدعي ربي يخفف همى
سلميلي على كل أحبابى
وخلى اللى زعلان منى يسامحنى
أنا مش عاوزة حد منى زعلان
عاوزة ربي بيا يكون فرحان
وأنا بحبكم كلكم
وعارفه إنى هفضل دايماً في قلوبكم
•◘○ًٍَِبقـــــــ ــــــ ـــــــلمــى