السلام عليكم ورحمة الله وبركاته أساتذتى وآبائى وزملائى واخوتى الكرام
نقول بسم الله
موضوعنا عن تبادل التجارب والخبرات فى حياة الانسان
التجربة بتضيف للإنسان عمر على عمره سواء كانت تجربة شخصية او تجارب وخبرات للأشخاص اللى بنعيش بينهم
جدى الله يرحمه كان دايما بيقعدنى معاه ويقعد يكلمنى فى حاجات كتيرة اوى مع انى كنت صغيرة وماكنتش بفهم اغلب الحاجات دى بس كنت ببقى سعيده جدا ولحد النهارده بفتكر حاجات كتير من اللى قالها لى وفهمتها زمان وفهمتها اكتر دلوقتى ..
ومش شرط الخبرة والتجربة تكون من شخص كبير فى عمره لا فى زماننا بنلاقى شخصيات كتير صغار فى اعمارهم لكن عندهم خبرات حياتيه كتيرة جدا..
مش هطول فى كلامى بس اتمنى فى موضوعى هنا نتبادل خبرات وموضوعات مفيده لو كل حد دخل حكى حاجه يفيد بيها غيره اكيد هيكون ليها أجر الصحبة الصالحة ..
وهنا ممكن ابدأ بأول حاجه عن القراءة .. امتع شئ بالنسبة لى القراءة على مختلف انواعها .. بداية من القرآن الكريم راحة النفس والقلب.. الى كتب الأدب والمعلومات العامة وكتب الصحافة وكتب الخبرات الشخصية .. كل كتاب عالم كامل مختلف عن اى عالم تانى .. كمان ممكن القراءة تشغل الانسان عن همومه وممكن كمان الانسان يلاقى من قراءاته حلول لمشاكله وانا كتير اوى لا بكون متضايقه بروح اقرأ رواية من المجموعات اللى بحبها .. بس كده