" طريقى لربنا أمشى فيه ازاى "

انا النهاردة جبت لكم موضوع جميل أوى و حبيت تشاركونى فيه ازاى نمشى فيه سوا
و بالأمانة هو منقول من احدى المنتديات و باذن الله ننشره على حلقات لو عجبكم الموضوع هنكمله " يلا نستعد سوا علشان نمشى الطريق سوا "

يا ترى طريقى لربنا أمشى فيه ازاى ؟



ناس كتير نفسها تعرف هو الطريق لربنا الواحد يستمر عليه إزاي


تمشي شوية وتقع

ومش فاهمة إحنا هنمشي إزاي


في الأول تعالوا نفضفض مع بعض في شوية حاجات وبعدها نعرف طريق ربنا

بإذن الله نمشي فيه إزاي


في حياتنا لما بنكون مسافرين


أكيد بنبقي عارفين يا تري سفرنا ده لفين وهنسافر بإيه بعربيه ولا بطيارة ولا

بالباخرة حتي


وبنبقي عارفين الطريق هيكون ماشي إزاي من فين لفين وهنسافر إتجاه الشرق


ولا الغرب والشمال ولا الجنوب


وبيبقي معانا شنطة فيها الزاد اللي محتاجينه من أكل وشرب ولبس وأي حاجة

تانية محتاجينها


صح ؟


طيب وبنبقي عارفين إيه كمان




وبنبقي عارفين هل ممكن تقابلنا صعوبات في الطريق ده ونوعها إيه من الجو حر برد


الطريق ملتوي وأحيانا لما يكون الطريق طويل بناخد إستراحة وأحيانا بنبقي


عارفين من السواق هناخد rest فين وبعدها نكمل



صح ولا لأ؟؟

كل ده وإحنا مسافرين سفر عادي في الدنيا




طيب يا تري وانا مســــافر للآخرة مســـافر لربنا يا تري هيكون السفر ده صفاته إيه بكل ما يحتويه




المفروض أكون ذكي وعارف طريقي صح




وبما إن إحنا في أحلي حياة وبإذن الله نكون عايشين أحلي حياة




تعالوا نشوف أحلي حياة مع ربنا وسفري له مواصفاته إيه


1_أول حاجة خالص لازم أفهم طبيعة الطريق


يا تري انا ومسافر لربنا طبيعة الطريق دي إيه؟؟


انا وفي طريقي لربنا طريقي هو واحد مبيتغيرش هو



الصراط المستقيم



فطريق ربنا واحد مفيش غيره






وده ثبت عن النبي صلي الله عليه وسلم أنه خط خطا ثم قال : (هذا سبيل الله )
ثم خط خطوطا عن يمينه وخطوطا عن يساره ثم قال : (هذه سبل علي كل سبيل منها شيطان يدعو إليه)



ثم قرأ


وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ذَلِكُمْ وَصَّاكُمْ بِهِ لَعَلَّكُمْ تَتَّقُونَ





ومن هذه قول الله تعالي


((اللَّهُ وَلِيُّ الَّذِينَ آمَنُوا يُخْرِجُهُمْ مِنَ الظُّلُمَاتِ إِلَى النُّورِ وَالَّذِينَ كَفَرُوا أَوْلِيَاؤُهُمُ الطَّاغُوتُ يُخْرِجُونَهُمْ مِنَ النُّورِ إِلَى الظُّلُمَاتِ أُوْلَئِكَ أَصْحَابُ النَّارِ هُمْ فِيهَا خَالِدُونَ))[البقرة:257]


فوحد النور اللي هو سبيله وجمع الظلمات اللي هي سبل الشيطان


فبكده عرفنا إن طريق ربنا واحد هو الحق المبين




لكن الباطل طرقه كتييييرة





طيب طريق ربنا ده فيه إستعدادات كتير




هي إيه ؟؟




1_يعني مثلا واحد عنده إستعداد كبير اوي ومشغول أوي بطلب العلم والتعلم




2_في واحد تاني الذكرهو السيد عمله بيحس إنه بيرتاح فيه ولو قصر فيه يحس إنه إنه خسر كتيييييييير أوي




3_وفي واحد تالت الصلاة هي سيد عمله لو قصر في عددها أو غفل عن جزء منها شعر بضيق في صدره





4_وفي واحد رابع شغله الشاغل الإحسان للناس والنفع المتعدي وتفريج الكربات وإغاثة اللهفان وصدقات وقضاء الحاجات





5_وفي واحد الصوم هو سيد عمله فلو فطر قلبه يتغير ويشعر بضيق




6_وفي واحد الأمر بالمعروف والنهي عن المنكر ربنا فتح عليه فيه ووجد فيه طريقه لربنا




7_وفي واحد الطريق اللي نفذ بيه لربنا هو الحج والإعتمار




8_ومنهم اللي بيراعي الخواطر وبيحافظ علي وقته إنه مش يضيع ودايما مراقب نفسه




9_وفي بقي واحد جمع بين ده كله ضرب من كل فريق بسهم

في أي مكان للعبودية تلاقيه




أي طريق يعرف إنه بيوصل لربنا يسلكه علطول



وهو ده بقي العبد اللي نفذ لربنا حقيقة


وقلبه متعلق بربنا خاااالص في قلبه مفيش محبة غير ربنا وأوامره وطلب التقرب له



وأكيد الإنسان ده هيعييييييييييش بجد حبه وقرة عينه وحياته ربنا وهيذوب شوقا للقائه ولتقطع شكرا له




لكن القلوب اللي حجبت عن كل ده ده نتيجة لإخلادها وركونها لشهواتها وتعلقت بالإسباب





وبكده إنتهينا من طبيعة الطريق ... و غدا باذن الله نكمل الطريق سوا

نيجي لتاني حاجة وهي مهمة جداااااااااا



وهي إيه؟؟




2_ صاحبك في السفر رفيقك



وليه كمان مش يكونوا صحبة مش واحد بس



قال سبحانه

-(مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ تَرَاهُمْ رُكَّعاً سُجَّداً يَبْتَغُونَ فَضْلاً مِّنَ اللَّهِ وَرِضْوَاناً سِيمَاهُمْ فِي وُجُوهِهِم مِّنْ أَثَرِ السُّجُودِ ذَلِكَ مَثَلُهُمْ فِي التَّوْرَاةِ وَمَثَلُهُمْ فِي الْإِنجِيلِ كَزَرْعٍ أَخْرَجَ شَطْأَهُ فَآزَرَهُ فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ لِيَغِيظَ بِهِمُ الْكُفَّارَ وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُم مَّغْفِرَةً وَأَجْراً عَظِيماً) (الفتح 29 )


صاحبك ده لو تعبت يشد من أذرك ويعينك

علشان تذهب عنك وحشة التفرد وتأنس بهم وتصحح لك الأخطاء وتوضح لك عقبات الطريق


والناس دي طبعا ليها خصائص وصفات معينة دول أصحابك في طريقك للآخرة مش أي طريق


طب يا تري إيه صفات رفقتي في رحلتي للآخرة ؟؟



دول اللي همتهم عاليــــه ونيتهم صافية مفهاش حاجة وحشة


وسلكوهم سوي وبيسابقوا الناس وتركوا الخمول والسكون وبيجروا علشان

يرضوا ربنا

هدفهم ربنا مش مستنين حد بقي يقول عليهم دول هما اللي مافيش زيهم ولا

تترفعلهم الأعلام ولا كل ده

مش شايفين غير رضا ربنا

فلازم نعرف نختار كويس رفقاء الطريق

3_تالت حاجة بقي إنك تحدد هدفك

لااااااااااااازم تبقي حاطط عينك علي الهدف

ينفع مثلا تبقي مسافر وزي ما

العربيه أو أي وسيلة تانية توديك خلاص تنزل



ولا بتبقي عارف إنت مسافر فين بالظبط


وييبتبقي ناوي من الأول إنت رايح فين


وزي كده المؤمن لازم يكون ليه نيه صادقة علي طول الطريق وعارف هدفه فين


زي ما قال حبيبك محمد صلي الله عليه وسلم

عن أمير المؤمنين أبي حفص عمر بن الخطاب رضي الله عنه ، قال : سمعت رسول الله صلى الله عليه وسلم يقول :( إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه ). رواه البخاري ومسلم في صحيحهما .



فلازم تحدد هدفك ونيتك ياتري إنت سلكت الطريق ده ليـــه ؟؟

علشان

يقولوا عليك شيخ ولا علشان فشلت في إنك تحصل علي اللي عايزه في الدنيا

فعايز تاخدها بزعم إنك بتعمل للآخرة



فخد بالك النية دي بتحدد كـــل حاجة وبيتميز الأشخاص من واحد للتاني



وبيها هتحدد هجرتك ياتري لمـــين ؟!



فلو حددت هدفك ومقصدك في الرحلة دي

وحددت ووحدت القصد منها ( إرادة وجهه الله ) والمقصود منها ( الله سبحانه وتعالي )


يبقي انت بجد هترتاح خااااااااااااالص في الرحلة دي

وانتظرونا لسه في حاجتين إحنا محتاجنهم في السفر قبل ما نبدأ الرحلة 0

يا تري هيكونوا إيه ؟؟

وياتري في عقبات هتقابلنا في الرحلة دي

وإيه هيه؟؟



وياتري في إستراحة في سفرنا ده وفين

بالظبط ؟؟


كل ده لازم نعرفه زي ما اتفقنا قبل السفر

إنتظرووونا بإذن المولي

ما شاء الله

موضوع جميل جدا

فعلا لازم كلنا نعرف ازاى نروح لربنا

حتى لا ياتى يوم نفول فيه

رب ارجعون لعلى اعمل صالحا فيما تركت

بانتظار ان تخبرينا

ايه هما الحاجتين

بارك الله لك

صحبه خيرة ان شاء الله

وانتظر البقية بشوق كبير

الحمد لله والدى العزيز فلقد تأثرت جدا فى البداية عندما قرأت هذا الموضوع و غير فيا حاجات كتير و بدعو من الله سبحانة و تعالى أن يتوب علينا و يغفر ذنوبنا و فعلا كما حضرتك ذكرت انما الاعمال بالنيات و الله انا نيتى خير لوجه الله و بشكرا حضرتك جدا لمرورك و اضافتك التى اثرت الموضوع جاذبية جزاك الله خيرا

بس الرحلة حلوة صح

إبدأ إنت بس وربنـا هيعينـك

خليك واحد وأوعي تكون بكذا لون
لاااازم كــل حاجـة تكون بالله ولله

اشكر ربنا هتلاقي الخير بيزيد

خلي العصا اللي بتحولك معاك

خد بالك من يومك ده غااااالي أووووي
كفاية عليك بيتــك

الصادق حبيــب الله


خد بالك من رصيدك لأنه بيتسحب منه

القرآن هو القائد والسائق بتاعك أوعي تتخلي عنه

إياك أن تلبس ثياب الفراغ وقت العمل

لازم تتميز العملية مش ببلاش

اعتصم بالله وإنت ترتاح وهتكون كسبان أوي
وعي تستبطئ الطريق علشان مشيك مش يضعف


خد بالك من حظ النفس في أعمالك

سلم أمرك لربنا والله هترتاح لأن الأمر بيده

لو إنت مش راضي يبقي ربنا مش راضي عنك

أوعي تمكر لأن ربنا هيمكر بيك


خد العسل من غير ما تكسر الخلية


كل مخلوق ليه زوج علشان كده لاااازم نفر لربنا
لو صفيت هيصفالك والعكس صحيح .

اوعي تتجاهل أي جانب من جوانب الدين


نيجي بقي لرابع حاجة



وفي ناس للأسف ممكن تغلط فيها




طيب يا تري هيه إيه ؟؟




مقومات السفر




مقومات السفر !!




اه


طيب ماشي هيه إيه ؟؟



مقومات السفر دي هي منهجنا الجميل




منهجنا اللي ربنا وضعه ووضحه لينا حبيبك محمد صلي الله عليه وسلم




هي عبادتنا وأعمالنا




عبادتنا وأعمالنا دي توقيفية



توقيفية !!!


امممممممم



اه توقيفية



يعني مينفعش تعمل حاجة مش وردت لا في القرآن والسنة




يعني الأعمال اللي بنعملها لازم تكون وردت في الشرع اللي ربنا أمر بيه (في الكتاب والسنة )




قال الله عز وجل : (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا) المائدة/3 ؛

فقد أكمل الله تعالى لنا الدين ، فما لم يشرعه الله تعالى فليس من الدين




يعني مش يروح واحد بقي يتعب نفسه في حاجة ويقول مالها ما كويسة



ومفهاش حاجة حرام وأهو بقرب بيها من ربنا




لأ


مينفعش



الرسول عليه الصلاة والسلام قال

وعن أبي ذر رضي الله عنه أن رسول الله صلى الله عليه وسلم قال : (ما بقي شيء يقرب من الجنة ويباعد من النار إلا وقد بين لكم) . رواه الطبراني في الكبير (1647) وصححه الألباني في الصحيحة (1803) .



يعني الرسول قال كل حاجة


هتيجي إنت بقي تطلع حاجة جديدة




وكمان بقي ده إنت هتاخد وزر مش ثواب




يا نهار ألوااااااااان



اه شوفت بقي



أوعي تفتكر ده كلامي



ده كلام حبيبك محمد صلي الله عليه وسلم



شوف بيقولك إيه



عن عائشةرضي الله عنها قالت : قال رسول الله صلى الله عليه وسلم :من أحدث في أمرنا هذا ما ليس منه فهو ردرواه البخاري ومسلم،



يعني كل من أحدث في الدين ما لم يأذن به الله ورسوله ، فليس من الدين في شيء



ده كمان حبيبنا محمد صلي الله عليه وسلم نبهنا علي كده وحذرنا وإننا لازم

ناخد بالنا



لأن في ناس فعلا هتيجي وتطلع حاجات جديدة




عن النبي صلى الله عليه وسلم أنه قال :من يعش منكم بعدي فسيرى اختلافا كثيرا ، فعليكم بسنتي وسنة الخلفاء الراشدين[ص:177 ]المهديين من بعدي ، عضوا عليها بالنواجذ ، وإياكم ومحدثات الأمور ، فإن كل محدثة بدعة ، وكل بدعةضلالة.وكان صلى الله عليه وسلم يقول في خطبته : " إن أصدق الحديث كتاب الله ، وخير الهدي هدي محمد، وشر الأمور محدثاتها"




فالله يكرمك إلتزم إنت بس بالكتاب والسنة



ده إنت لو عملت بس باللي جاء في الشرع ده إنت تبقي تمــــام أوي




خلص بس إنت الأول اللي جاء في الشرع


وبعدها أصلا مش هتلاقي وقت أصلا تفكر تخترع حاجة جديدة

ما شاء الله رحلة جميلة جدا

جزاك الله عنا كل خير

بانتظار ان تمتعينا بابداع قلمك الرائع

فما اجمل السفر الى الله

ممكن امشى معاكم يازوزة