يااااااااه..أول يوم فى المدارس انهارده..
فكرونى بأيااااام زمان من حوالى 100 سنة كده.. :)
كان أول يوم ده بالنسبالنا عيد ..
محضرين بقى لبس المدرسة وجايبين التوك والشراب الابيض ابو كورة
مبنمش طول الليل ..مش عشان حاجة..
غير ااننا لازم نصحى من الفجر ونروح المدرسة من الساعة 6 الصبح عشان نلحق التختة الأولى..
ياربى كنا عيااااااال بشكل..
وعلى العياط بقى والصويت لو ملحقناش التختة الأولى واللى فى النص كمان..
عشان نكون فى وش الصبورة ..لان التختة اللى فى الجنب كانت الصبورة بتسنور فيها
ههههههههههههههه
ولو بقى قعدنا تلاتات برده نتخانق مين اللى يقعد فى النص..
عشان اللى على الحرف هيفضل يقوم كل شوية عشان يعدى اللى فى النص...
أفتكر مرة كنت خلاص روحت وحجزت التختة وظبطت نفسى..لاقينا واحده جاية وجايبة باباها وقال ايه عامله عملية فى عنيها وعاوزة تقعد فى الاول..وقال ايه عاوزنى ارجع ورا..وانا مالى :P
طبعا متخيليين اللى حصل والعياط وطبعا جلت ماما تانى يوم..
مسكتش الا لما رجعت مكانى وجابولها كرسى تانى تقعد جنبنا...
بس الحمد لله دلوقتى صحاب وزمايل فى الشغل كمان :)
كنت والله نسيت الايام دى.. بس الحمد لله اخويا الصغير رجعنا تانى لـ هَم المدارس بعد ما كنا ارتاحنا..
ونفتكر بقى اول يوم وطلبات المدرسيين..
كراسات العربى بالجلاد الاحمر
والدين بالاصفر والحساب بالاخضر..
ولا الاستكرات بقى ....
وافتكر بقى اول ما نستلم الجدول ندور على الحصص الفاضية اللى ملهاش لازمة ألعاب..اقتصاد..نشاط ..خط وعمرنا مانغيب فى الايام دى..
ولا الفسحة وعم محمد بتاع الكانتين (هو كان اسمه عم محمد ولا عم عبده ؟؟!!)
ذكرياااااااااااات.. الواحد كبر يا ناس وراحت علينا خلاص ..
منقوووووول