موضوع: شارك برأيك الثلاثاء سبتمبر 25, 2012 4:33 pm
ممكن طلب من حضراتكم اعضاء المنتدى الكرام
ممكن تشاركونى برأيكم حول تنفيذ فكرة جديدة لتصميم مجلة مصورة ؟
بمعنى الخروج عن المألوف فى اخراج مجلة مصورة و لتكن مثلا خاصة بمسابقة ( انتصارات اكتوبر )
ممكن تعطونى و تشاركونى بافكاركم
و خاصة رأى اساتذتى الكرام
و لكم جزيل الشكر لكل من يساهم بفكرة او تصميم جديد
زوزة مشرفة
عدد المساهمات : 1084العمر : 42
موضوع: رد: شارك برأيك الثلاثاء سبتمبر 25, 2012 9:16 pm
هههههههههههههههههههه
مافيش ولا فكرة جديدة تساعد اختكم
فين الابداع و الفن يااااااااااااااشباب
admin مدير المـنتدى
عدد المساهمات : 1469العمر : 62
موضوع: رد: شارك برأيك الثلاثاء سبتمبر 25, 2012 9:28 pm
أولاً : سعدت بهذه المساهمة والتى هى من صميم عملنا ومن المفروض أن تكون مساهماتنا بالمنتدى مثل هذه المساهمات التى تعود على الجميع بالنفع العام لعرض الموضوعات الصحفية لتحقيق المعانى المستهدفة والسعى إلى الرقى وتقديم ثقافة مناسبة ومميزة لزائرينا الكرام . ثانيا: الصحيفة المصورة هى صحيفة تستخدم للمناسبات مثل المناسبات القومية والدينية والاجتماعية والمحليو ... الخ وأفضل طريقة لإخراجها هو البحث عن عن عدة صور مناسبة لحرب أكتوبر المجيدة توضح بسالة الجندى المصرى فى عبوره لأكبر مانع مائى على مستوى العالم وتحطيمه لخط بارليف الحصين وإنشاء كوبرى أكتوبر على قناة السويس ... المهم عدة صور تبين هذه الملحمة المجيدة . التنفيذ : 4 فروخ كرتون ألوان يقسم كل منهم إلى أربعة أجزاء بالتساوى ويتم ترتيبهم بوضع كل لون فوق الآخر على سبيل المثال ( أصفر ـ لبنى ـ أحمر ـ أخضر ) ثم نأتى بنصف فرخ كرتون أبيض سميك لعمله كغلاف بالطول وليس العرض ليضم هذه الصفحات المرتبة فوق بعضها وتدبس لتصبح مثل كراسة الرسم تماما ولكنها طبعا أكبر وأجمل بالألوان التى تم اختيارها ثم نكتب عليها البيانات التى نعرفها محافظة ـ إدارة مدرسة من الجانب الأعلى من اليمين ، وفى الوسط الصحيفة المصورة بخط كبير وعريض يستخدم كعنوان لإنتصارات أكتوبر وتحاط بإطار جميل مناسب حول الصفحة .. ومن الداخل أيضاً يتم بروزة جميع الصفحات أيضا مع ترك 2 سم من جميع الإنجاهات ويتم لصق الصور فى جميع الصفحات بحيث يكون فى كل صفحة صورة واحدة توضع فى منتصف كل صفحة ويتم التعليق المناسب أسفل كل صورة مع ضرورة لصق الصور بصمغ متجمد " روج " حفظا على نظافة الصحيفة والصور ... وفى النهاية ستجدين إن شاء الله قد أخرجتى تحفة ذات طابع متميز .
زوزة مشرفة
عدد المساهمات : 1084العمر : 42
موضوع: رد: شارك برأيك الثلاثاء سبتمبر 25, 2012 9:52 pm
اولا : شكرا لك يا والدى و استاذى الجليل على رأى حضرتك حول مساهمتى فقد رفعت من معنوياتى كثيرا و سعدت بها جدا
و ثانيا : بشكر حضرتك على هذه الفكرة الجميلة و الرائعة و التى سوف انفذها لانها فعلا عجبتنى و تسمح لى بعد اذن حضرتك :
يالا يا شباب يا اخصائين الصحافة فين الابداع لازم تشاركوا برأيكم .. حتى لو الفكرة بسيطة ما تخافشى و لا تحرج من شئ ما عليك الا انك تقولها
و تساعدنا برأيك و ايد على ايد و فكرة على فكرة هنطور نفسنا
يالا مين هيقول انا كمان عندى فكرة حلوة ؟
همس... عضو مميز
عدد المساهمات : 282العمر : 33
موضوع: رد: شارك برأيك الثلاثاء سبتمبر 25, 2012 10:25 pm
جميلة فكرة حضرتك يا أبى لكن المجلة كده مش هيكون اسمها مجلة حائط هتكون اسمها "ألبوم مصور"
زوزة مشرفة
عدد المساهمات : 1084العمر : 42
موضوع: رد: شارك برأيك الثلاثاء سبتمبر 25, 2012 10:30 pm
ماشى كلامك يا همس طب قولى فكرتك....
همس... عضو مميز
عدد المساهمات : 282العمر : 33
موضوع: رد: شارك برأيك الثلاثاء سبتمبر 25, 2012 10:43 pm
بصى يا زوزو انا بحب اوى شغل الالبوم المصور لانى بقدر اتحكم فيه واخليه بشكل جمالى افضل طبعا بس مرة دخلنا مسابقه كانوا طالبين مجلة حائط مصورة واحنا عملنا الالبوم وطبعا والله مع انه كان جميل جدا والموضوع كان مميز والصور كلها حية مش من على الانترنت بس اخدنا جايزة استثنائية ولفتوا نظرنا ان دى خطأ لان ده مش مجلة حائط ومش بيسمح لاكبر عدد من التلاميذ انهم يشوفوه فى وقت واحد..
وهقولك فكرة من الافكار اللى ممكن تجمعى بيها بين ميزة الالبوم فى الشكل الحلو وبين ميزة مجلة الحائط انها تتعلق على الحيط.. وهى انك تجيبى فرخ ""نصبيان"" كبير وتقسميه نصين او تشترى نصين مقطوعين جاهزين وتخرمى كل نص بطول ضلع واحد من الاربع اضلاع لكل منهم وتركبى حلقات فى الاخرام دى علشان تشبكى النصفين فى بعض ويبقى على شكل كتاب وبعدين تجيبى متر قطيفة او قماش خيش بيكون شكله حلو اوى وتفرديه على غلاف الكتاب اللى طلع معاكى ده وتثبتيه بأى مادة لاصقة وتيجى من جوه الصفحتين اللى قصاد بعض هتعملى عليهم الترويسة وتبتدى تحطى الصور فى شكل متداخل واحدة طالعة ووواحدة نازلة شوية والتعليقات طبعا تحت كل صورة وتبينى حدود كل صورة كويس وبعدين ترجعى تقفلى المجلة على بعضها تانى ووجه الغلاف اللى عملناه بالقماش القطيفه او الخيش تحطى عليه الزهور الصناعية القماش الصغيرة بتدى شكل حلو اوى
يارب اكون عرفت اوضح لك الفكرة .. وربنا يوفقك يا زوزو يارب
همس... عضو مميز
عدد المساهمات : 282العمر : 33
موضوع: رد: شارك برأيك الثلاثاء سبتمبر 25, 2012 10:55 pm
اه نسيت اقول لك أهم حاجة
تعملي لها عليقه من فوق علشان تعلقيها منها على الحيط تبقى مجلة حائط والطلاب يشوفوها كلهم وبعدين لما بتشيليها بتقفليها علشان تحافظى على الصور
زوزة مشرفة
عدد المساهمات : 1084العمر : 42
موضوع: رد: شارك برأيك الأربعاء سبتمبر 26, 2012 5:26 am
يا جماعة همس شاركتنا برأيها و اعطتنا فكرة جميله خالص تجمع بين الالبوم المصور و مجلة حائط مصورة و بشكرك عليها يا قمر
يالا يا شباب مين هيقول انا عندى فكرة جديدة ؟
زوزة مشرفة
عدد المساهمات : 1084العمر : 42
موضوع: رد: شارك برأيك الخميس سبتمبر 27, 2012 9:30 pm
يالا يا استاذ محمد لازم حضرتك تشاركنا بفكرة جديدة لتصميم مجلة مصورة و مش هتنازل عن فكرة حضرتك