همسة قلم ...

موضوع: همسة قلم ... الإثنين يوليو 02, 2012 11:19 pm

همسة قلم...

"فى مواقف الخذلان..الابتسامات دائما تفى بالغرض"
أكيد حسيت بالإحساس ده كتير صح؟
مرت عليك مواقف خذلت آمالك وأحلامك..إنكسرت..
ضاعت منك أمنيات اتنازلت عن حاجات حلوة فى حياتك علشان تحققها..
وقتها هربت بنفسك من عيون المشفقين عليك
أو اتصرفت زى الأطفال وقعدت تضرب الأرض برجليك..
أو عملت نفسك مش واخد بالك،
ولا ضحكت من الصدمة واكتفيت بكلمة "عادى"..
أنا ماكنتش معاك ولا شوفتك بعد ماهربت بأى طريقة
ولما بقيت لوحدك رفعت عيونك للسما علشان تقاوم دموعك
اللى كانت سبقتك ونزلت، ماكنتش معاك..
أنا بس..حسيت.

آلاء عادل ، شباب الجامعة ، العدد السادس ، أبريل 2012.

مشرف عدد المساهمات : 654 العمر : 40

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه ه ه

تعجز كلماتى عن وصف تلك الروعة

ولاكنى اقول ماتزال زميلتى العزيزة همس تشعرنا حقا بالفخر بوجودها فى المنتدى

انه حقا موضوع مميز ونفعله جميعا بلا استثناء

ويسمى فى علم النفس الحيل الدفاعية

وهى وسائل يستخدمها الانسان عند التعرض للصدمات فتخفف عنة بعض ما يعترية من الم

وبدونها قد يفقد الانسان صوابة او يصيبة الاحباط

فالتعرض لموقف محرج او اذا خذلك شخص ما قد يخرج منك امرا لاشعوريا يخفف عنك شىءمن ماتشعر بة من احراج

وربما تذكرت الموقف وحدك بعد ذلك فبكيت ولاكن هذا افضل من ان يرى الناس دموعك

واخيرا خذوا من الصدمات قوة تدفعكم للأمام ......وثقوا فقط بمن هو اهل لثقتكم

بعد اختبار ذلك فى عدة مواقف

وردة

موضوعك ف غاية الروعة حبيبتى همس تسلم ايدك

و نشكر محلل منتدانا النفسى ميدو على تعليقه الجميل و نشكره على النصيحة المفيدة

موضوع جميل فعلاً همس وإن كان فى جوهره مؤلم لمن يريد أن يتذكر ويسترجع هذه اللحظات التى مر بها كل إنسان فى حياته وكأن القدر كان يقف له بالمرصاد ليعانده فى تغيير لحظات السعادة إلى عناء وألم ولكنى دائماً كنت أقول لنفسى اضحك حتى لو كانت عيونك كلها دموووع فالأمل لن يذهب وإن ذهب لن يعوود ولاتبكي من أجل موقف حزين مر على قلبك فمن يريد أن يحسب مدى أحزااانه سيكتب على قبره طفلا لن يعيش فاجعل إبتسامتك ما تميزك عن غيرك ... ونشكر الأستاذ ميدو على تحليله للموضوع باعتباره فى صميم تخصصه ونصائحه الجمّه .

يا الله
عندك حق استاذى ف كل كلمة سطرتها لنا و كأنك تعبر عما بداخلنا جميعا
و لكن
هى دى الحياة

شكرا جزيلا أساتذتى الكرام..

شكرا زميلنا الكريم أستاذ ميدو والله انا اللى فعلا دايما بشعر بفخر لوجودى معاكم فى المنتدى..وطبعا تحليل حضرتك للمقال سليم جدا

وشكرا أختى العزيزة زوزة مرورك الأجمل طبعا..

وشكرا أستاذنا الكريم مدير المنتدى حضرتك معاك حق فى كل كلامك ، وانا فعلا قصدت من المقال انه يحمل جانب مؤلم الى حد ما للنفس وده لأنه من طبع المقال اللى بيستخدم اسلوب الخطاب النفسى اللى بيوجهه الكاتب لشخص من صنع خياله علشان يعالج بيه موضوع معين..وصحيح مهم اننا نبتسم ونتفاءل بس لازم كمان نحس بالألم فى وقته علشان نقدر بعد كده نحدد العلاج السليم لنفسنا..يعنى انا لما يخذلنى موقف او اكتر واعرف نقط ضعفى أقدر بعدها ابتسم الابتسامة اللى تدارى نقط الضعف دى...

وبصراحة اكتر يا أستاذنا لما كنا بننفذ مشروع التخرج "جريدة شباب الجامعة" كنا بنجمع الأعمال كلها من الطلاب وبعدين ناخدها نعرضها على الدكتور المشرف على كل صفحه من الجرنال فكان الدكتور المشرف على صفحة الرأى لما قرأ كل المقالات وطبعا كلنا كنا مقدمين اكتر من مقال علشان الأفضل هو اللى يتنشر..قالى حرام عليكى يا آلاء انا مش عارف اختار علشان المقالات الحزينة دى عاوزة قاعدة فى البيت وجو نكد هههههههههه بس والله أخد كل مقالاتى لأنها عجبته علشان الطابع النفسى اللى فيها

عجبتنى اوى كلمة زوزو "محلل منتدانا النفسى" أستاذ ميدو ماشاء الله فعلا متميز فى تخصصه وعلم النفس علم جذاب ومفيد جدا

بالتوفيق يارب لينا كلنا فى كل المجالات اللى نحبها

مشرف عدد المساهمات : 654 العمر : 40

همس... كتب:: عجبتنى اوى كلمة زوزو "محلل منتدانا النفسى" أستاذ ميدو ماشاء الله فعلا متميز فى تخصصه وعلم النفس علم جذاب ومفيد جدا

بالتوفيق يارب لينا كلنا فى كل المجالات اللى نحبها

آمين يارب

شكرا زميلتى العزيزة همس

جزاك الله خيرا