الحياة مالهاش إعادة

الحياه مَالهاش إعادة
يَعنى لو يُوم عَدّى مِنّك
استحالة تلاقى يوم جايلك زيادة
هىّ أيام مَحسُوبَالك
فيها حُبك
فيها حِلمك
... فيها راحتك وانشغالك
فيها ياتعيش أمر واقع
أو فى جَنّة
جنة أجمل من خيالك
اوعى قطر العُمر ياخدك
والخُطوط تِكتر فـ وشك
والسنين تفضل تغشك
تقنعك إنك صَغِير
واما ييجى معاد نزولك
تكتشف ان اللى كان باقى فـ حياتك مش كتير
لو هتفرح افرح الفَرح بضمير
والزعل علشان يعدّى
مِحتاجين حبّة إرادة
عيش حياتك كل لحظة كأنها اللحظة الأخيرة
عيشها زى ما فى الكتاب
وافتكر يوم الحساب
واوعى تنسى ان الحياة دى
زى فنجان قهوة جالك
باختيارك تشربه سكر زيادة
أو هتفضل طول حياتك قهوتك تشربها سادة

بالفعــــــــــــــــــــــــــــــــــــــــــــــــــــــــــل

» عيش الحياة
» مناظرة بين الحياة و الموت .. !!
» تعلمت من الحياة ..و علمتني الطبيعة