ولادِكْ بَنُوكى .. بروحْهُمْ فَدُوكى ..
ويِشْهدْ عليهمْ ترابكْ فى سينا .
ومنهُمْ با عوكى .. عشانْ الشِيروكِى ..
وفيللَّا فْ مارينا .
يعيشوا فى خيرِكْ .. ويدُّوهْ لغيركْ ..
ولادْ اللَّذِينا .
ولوْ جارْ زمانْهمْ .. يعودُوا لْمكانهمْ ..
يلاقوا السَكينَهْ .
وتِنْسِى جحودْهمْ .. وتبكى عليهمْ ..
عنيكى الحزينهْ .
فى أرضكْ سرَحْتْ .. فشَلْتْ ونَجَحْتْ ..
وعشْتْ بْبساطَهْ .
صاحِبتْ الحمَامْ .. ونِمْتْ فْ سلامْ ..
ولوَْ عَ البلاطهْ .
تِغَيَّرْ فى شَكلى ..همومى ومشَاكْلى ..
لكِنْ روحى لأْ .
أعَبَّرْ بغنْوهْ .. وأقولْ نُكتهْ حلوهْ ..
لكِنْ يأسْ لأْ .
ما طيقْشْ الغَتاتهْ ..
وقلبى المسالمْ ما يعرفْ شّماتهْ ..
وأقولْ بالتلاتهْ ..
بحبِّكْ .. بحبِّكْ .. بحبِّكْ .. يا مصرْ
منقوووول
الخميس فبراير 27, 2020 1:42 am من طرف ahmed_ahmed9245
موضوع: أنا المصرى 
اليومية
