يومين لكل عضو نعبر عن تقديرنا له

تذكير بمساهمة فاتح الموضوع :

$$ يومين لكل عضو نعبر فيه عن تقديرنا له $$$

السلام عليكم ورحمة الله وبركاته

يومين كاملين لكل عضو نعبر فيه عن حبنا له

من منطلق الكلمة الجميلة والمودة بين الأعضاء

ومن منطلق الانتقاد بكلمة جميلة مارايكم ان نبدأ اولى حلقاتنا في موضوع شيق[ يومين لكل عضو .. نعبر فيه عن حبنا له ]

نعبر له عن معزته وحبه ومكااانته ف قلوبنا ..

وفي المنتدى خاصة ..

بأي شكل كاااان ..
بمدح العضو ..

او انتقاده
أو عتاب
بس يكون النقد ايجابى من فضلكم

.. بأي طريقه تعجبكم .. !

هناك بعض الشروط :

1-كل عضو يضع رده في ختام كل رد يرشح عضو ليكون موضوع الحلقة التالية واكبر ترشيح نختاره لليومين التاليين

2- نتمنى ان تكون الكلمة صادقة و غير جارحة

يارب يعجبكم..ولكم أرق وأطيب تحياتى

اسفه يا جماعة و الله نسيت
ارشح اخى و زميلى
ميدو
للمرة القادمة

دائماً ما تتسرع " زوزة " ولم تترك لنا المجال للحديث عن بنتنا همس ولكنى أقول ونطلب من الله التوفيق .. فهمس كلمة حباها الله ونسجت من حروفها أعذب المعانى .. فمس الصوت أخفاه .. " وكان رسول الله صلى الله عليه وسلم إذا صلى همس شيئاً لا تفهمه ( حديث ) لأن الهمس الصوت الخفى هذا وإن دل فإنه يدل على الرقة .. ولا يستطيع القلم مهما حاولت جاهداً للتعبير عن كل مشاعرى للكلام عن ابنتى همس فلن ولم أوفِ حقها لأنها إذا تكلمت كانت كالزهرة الرائدة فى البستان .. ومن رقتها ترى سكوتها يكون أبلغ من الكلام .. وإذا أحسنت القول تجدها قد أحسنت الفعل ليجتمع معها ميزة اللسان وثمرة الإحسان ومهما تكلمنا عنكِ ياهمس فلن نستطيع وصف روحك الطيبة فدائماً أحس بصمتك يؤدى للسلامة وبركِ بمن حولك يؤدى للكرامة وجودكِ يؤدى للسعادة وشكركِ يؤدى للزيادة .. فطوبى لمن كان بصره فى قلبه .. فهل ترون زملائى الكرام أنى قد وفيت لها حقها ... فأنا أقول ...... لااااااااااااا.
وأنا أرشح مع زملائى الأعزاء زميلنا ميدو للحديث عن شخصه الكريم

والله العظيم بجد مش عارفه اقول ايه ... بس ربنا وحده يعلم قد ايه انا فرحانه اوى لما قرأت كل التعليقات من الاول على الموضوع ..ربنا يديم بيننا الحب والمودة يارب ويجمعنا فى ظله.

فى الأول هقول كلمتى لأميرتى اللى سبقتونى كلكم بالكلام عنها لكن انا عارفه هى مش هتزعل منى لأنها عارفه من غير اى كلام منى هى غلاوتها عندى بالدنيا ويعلم ربنا انا بحبها أد ايه..واقولك يا أختى يا هدية ربنا ليا ربنا يخليكى ليا ومايحرمنيش منك أبدا ونفضل طول العمر روح واحدة ..وبجد بحمد ربنا انه انعم عليا بمعرفتك وصداقتك .

واشكر طبعا زميلنا العزيز أستاذ ميدو..شكرا جزيلا على مشاركتك وكلماتك الجميلة وانا كمان زى ما قالت زوزة كان ليا شرف معرفتى بأبى مدير المنتدى وأبى محمد عبد الرحمن وأختى ميرو من خلال الانترنت لكن كان من فترة قديمة شوية الحمد لله وبعدها طبعا عرفت زوزة هنا فى المنتدى وحضرتك وباقى الاعضاء .. لكن بجد سبحان الله ربنا بيؤلف القلوب الحمد لله انا بجد احساسى ان بيننا معرفه شخصية قوية ربنا يديم المودة بيننا ويجمعنا على خير يارب

وبالنسبة ليا ا فالحمد لله والله انا فى نعمة والحمد لله مش حزن ولا حاجه , وحضرتكق لتها بنفسك "هموم الحياة" يعنى كلنا لازم يكون عندنا شوية ضغوط لكن الحمد لله بتعدى وكفاية والله ان الحمد لله ربنا بييسرها معانا اوى.ودايما بيجعل فى طريقنا أحسن الناس يعنى انا الحمد لله ده رابع مكان اتجمع فيه مع أساتذتى مدير ونائب مدير المنتدى واختى اميرة وطبعا مؤخرا معاكم" زوزة "وزميلنا أستاذ"ميدو" .. والصحبة الطيبة دى فى حد ذاتها نعمة كبيرة الحمد لله.

وحسن الختام بقى طبعا كل كلمات الشكر ماتكفيش ليك يا أبى وأستاذى محمد عبد الرحمن على كلام حضرتك الجميل ويكفينى شرف وفخر وسعادة لما حضرتك وأبى مدير المنتدى بتقولوا كلمة يا بنتى
ربنا يخلى حضرتك لينا ويبارك فيك ويقر عينك باخواتى دينا ومحمد يارب

وحبيبة قلبى زوزو ربنا يخليكى ليا ويديم صداقتنا يارب ويسعدك ودايما ربنا مايحرمنيش من ضحكتك وكلامك الحلو ..بس ازاى هتعلمينى الكلام وانتى كمان نسيتى اهه مش انا لوحدى ..وحاضر طبعا هعلمك حكاية التكنولوجيا بس خليها فى يوم من أوله ههههههههه

يا الله على كلام حضرتك يا أبى وأستاذى...والله لا أملك كلمات تعبر عن شكرى وسعادتى ربنا يخلى حضرتك لينا دايما تغمرنا بروح أبوتك وحنانك وكرمك معانا ويجعلك قرير العين سعيد الدارين يارب آمين

مشرف عدد المساهمات : 654 العمر : 40

على فكرة يا جماعة انا سعيد جدا جدا جدا بالروح الجميلة اللى بتجمعنا فى هذا المنتدى الكريم

متشكر لتعليقاتكم وكلامكم الرائع

وردا على اسئلة حضراتكم عنى فانا اسمى الحقيقى محمد عبد الخالق

والاكونت بتاعى [ندعوك للتسجيل في المنتدى أو التعريف بنفسك لمعاينة هذا الرابط]

انا مدرس علم نفس من طنطا

ومشرف على الاذاعة بحكم انى شايل شغل الاخصائى النفسى على اساس ان مفيش اخصائى نفسى فى المدرسة

ودا طبعا بيخلينى اعمل تبادل زيارات ولقاءات وحفلات وغيرها ودة لان مفيش كمان اخصائى صحافة

كنت بدور على الجديد فى الفقرات والبرامج علشان استعين بيها فى برامجى ودة اللى عرفنى بالمنتدى الرائع دة

ودايما انا بخفى شخصيتى الحقيقية لان مش كل اللى على النت كويس فلازم الحرص اما هنا فبتكلم عادى وبعرفكوا بنفسى

لانى حاسس انى بقيت واحد منكم واتمنى ان تبادلونى نفس الشعور

اما بالنسبة للمعلومات اللى بكتبها على المنتدى فالموضوع دة لانى بحب القراءة ولاطلاع جدا

دا غير حفظ القران والاحاديث والاشعار والخطب

والتقليد لوحبيتم

نسيت اقول لحضراتكم انى همتحن كادر على النظام الالكترونى يوم الخميس ادعولى

عموما انا سعيد بوجودى معاكم وبشكر ابى الفاضل مدير المنتدى والسيد المحترم نائب المدير وشرف كبير لى انى اكلم حضرتك على الاكونت

زميلتى العزيزة زوزة انا عرفت ضحكتك من تعليقاتك ههههههههههههههههههههههه

اما باقى الزملاءهمس فبقولها تانى لاداعى لتحميل نفسك اكثر مما تحتمل

اما ميروا صاحبة الموضوعات المميزة فحدث ولا حرج

انا مش عارف اتكلم عن حضراتكم اقول اية لانكمماسبتوش كلام ليا علشان اقولة ربنا يديم علينا المحبة

اخيرا من فضلكم لو حد فى يوم زعل منى لاى سبب لاقدر الله يقولى دة لانى مش مستعد اخسر صداقة حد منكم

جزاكم الله خيرا ومتنسوش تدعولى

admin كتب:: لقد علمتنا الحياة أن الأصدقاء أنواع ... فمنهم من هو كالهواء ومنهم من هو كالدواء ومنهم من هو والعياذ بالله كالوباء ... ولكن الله عز وجل قد منّ علينا ورزقنا بأصدقاء أوفياء .. وطالما أن الحديث قد أزف للكلام عن بنتنا مـــــــــــــــــــيرو فحدث ولا حرج .. سلام على الدنيا إذا لم يكن بها ..... صديق صدوق صادق الوعد منصفا ...وما تواصل اثنان فطال تواصلهما إلا لفضلهما أو لفضل أحدهما ... فمهما تكلمنا لننتقى أعذب الكلمات فنجد أن مــــــــيرو هى صاحبة الفضل ....
هذا ما أردته قبل ترشيحى لاختيار اللؤلؤة القادمة ( همس ) لنتكلم عنها فى المرة القادمة .

والله ما أنا عارفة أقول ايه بعد الكلام الجميل اللي حضرتك والدي الفاضل مدير المنتدي وأستاذ محمد عبد الرحمن وهمس وزوزة وأستاذ ميدو وصفتوني بيه لأني والله تأثرت جدا بالكلام ده وعيني دمعت وحمدت ربنا ان فيه ناس بالقيمة الكبيرة دي بيحبوني كل الحب ده لأن حب الناس أكبر كنز فما بالكم عندما يكون الحب ده من ناس كبيرة في المقام مثلكم ، يارب يخليكم ليا ولا يحرمني منكم أبدا .
أما بالنسبة لأختي وروحي همس فهي أكتر واحدة عارفة اني مهما كتبت لها كلام مش هيوصف حبي ليها لأنها والله بعتبرها أكتر من أخت ليا وأي حاجة بتحصل هي أول واحدة بحكيلها وأخد رأيها لأنها بجد ع الرغم انها اصغر مني سنا لكن ماشاء الله عليها بحس أنها أكبر مني في تفكيرها وهي عارفة انا قد ايه بحب اخد رأيها في كل حاجة بعملها وعايزة أقولها بموووووووووووووت فيكي ومقدرش اتخيل حياتي من غيرك يا أجمل هدية من ربنا وبكرر دعوتي تاني يارب يجمعني بيكم كلكم في الدنيا أمام الكعبة المشرفة وفي الآخرة في الجنة يارب .
وبالنسبة أستاذ ميدو أنا سعيدة جدا ان انضم لينا أخ وزميل فاضل مثل حضرتك ومواضيع حضرتك جميلة جدا وبحس ان حضرتك مثقف جدا وربنا يوفقك ان شاء الله في امتحان الكادر يارب وبتمني تتواصل معنا في المنتدي باستمرار لأن ده شرف لينا تواجدك معنا في المنتدي.
وأرشح أختي الجميلة زوزة نتكلم عنها المرة القادمة

[ندعوك للتسجيل في المنتدى أو التعريف بنفسك لمعاينة هذه الصورة]

يا خراشى على الكلام الجميل دة نمسك الخشب
اسفة يا والدى مش هتسرع تانى و هسمع الكلام سماح المرة دى
و الله و الله يا اخى العزيز ميدو انا مستعدة امتحن بدالك يوم الخميس و لا يهمك بس انت تأمر اى خدمه
اعمل ايه بس يا همس ما اللى يعرفكم ينسى كل حاجه من حلاوتكم و معزتكم ده انتم حتى نستونى ميعاد اللى بالى بالك ...
بترشحينى ليه بس كده يا ميرو ما بلاااااااااااااااااااااش
هههههههههههههههههههههههه

أميرة والله العظيم انا بحبك اوووى اوى انتى هدية ربنا ليا والله ربنا يحفظك ويخليكى ليا واشوفك أسعد الناس يارب

امممم زميلنا العزيز أستاذ ميدو حاضر انا عن نفسى والله بحاول اعمل بنصيحتك الحمد لله وعلى فكرة انا بحب علم النفس جدا وقرأت فيه كتير وان شاء الله ربنا يقدرنى انى اكمل دراسات عليا فى علم النفس .

وانا وانا وانا كمان بختار أختى وحبيبتى الجميلة زوزو

مع انى لسه ده اول يوم ليه فى المنتدى الا انى حبيت المنتدى جدا
وان شاء الله استفيد من جميع الاعضاء اللى هنا
وفعلا منتدى فى غاية الروعة
تقبلونى عضوة بينكم
معلش انا لسه مااعرفشى الاعضاء ومش حقدر اتكلم عن العضو
بس اشكر المنتدى عامة
وجزاكم الله كل خير

أهلا بيكى المنتدى زاد نوره بوجودك معانا واتمنى نكون عند حسن ظنك
شرفتينا وتقبلى أرق تحياتى وردة

اهلا بزميلتنا الفاضله صلو على الحبيب ومرحبا بها عضوه جديده بمنتدانا الحبيب ولكن لى استفسار واوجهه الى همس هل الفكره الخاصه التى اقترحتيها تسير كما ينبغى انا اشعر ان المسأله حصل فيها لخبطه وترشيح الافراد ليس كما ينبغى فانا لا ادرى عن من ساتحدث فما رايك فى هذا الكلام

[ندعوك للتسجيل في المنتدى أو التعريف بنفسك لمعاينة هذه الصورة]

احب ان ارحب بزميلتنا الجديدة (اوشة )
و اقولها نورتى المنتدى
و نحن سعداء بانضمام اخت و صديقة لاسرتنا المتواضعة
مع تمنياتى بالاستفادة من موضوعات المنتدى
و مرة ثانيه اهلا بك ف منتداكى

صح يا أبى معاك حق فعلا حصلت شوية لخبطة لكنها لخبطة مقبولة ونعديها المرة دى ههههه

وبما ان انا واميرة اخترنا زوزة واستاذنا مدير المنتدى اختار أستاذ ميدو ..وأستاذنا journalist"اختار ميرو

أعلن لؤلؤة الحلقة القادمة : زوزة لنتحدث عنها بالنقد ايجابا وسلبا

وابدأ واكون أول المشاركين واقولك يازوزو بالرغم من قصر الوقت اللى عرفتك فيه الا ان روحك الجميلة وخفة دمك كانت واضحه من اول يوم وبجد لما عرفتك عن قرب اكتر لاقيت جواكى انسانة جميلة اوى وطيبة وفرحت بيكى جدا اخت تالتة ليا انا واميرة ربنا يديم الحب والمودة بيننا

وارشح زميلنا العزيز "ميدو" للحلقة القادمة

مشرف عدد المساهمات : 69

أهلاً وسهلاَ بك أختي الكريمة ..

صلو على الحبيب¨

حللت أهلاً .. ووطئت سهلاً ..
ياهلا بك بين اخوانك وأخواتك ..
إن شاء الله تستمتعي معــانا ..
وتفيدي وتستفيدي معانـا ..
وبانتظار مشاركاتـك وابداعاتـك ..
ســعداء بتـواجـدك معانا .. وحيـاك الله

اذن فانا اقترح ان يتم اسناد الموضوع الى صاحبة الفكره فقط هى التى تحدد اولا من النجم القادم ولا يجوز لاحد ان يتحدث الا عنه فقط ثم يتم الانتقال الى الاخر اما ابنتى زوزه فانا ايضا معجب بتلك الروح المرحه التى اضافتها للمنتدى وهى تنم عن روح نقيه على الفطره واتمنى لها التوفيق فى حياتها لكن هناك شىء فى نفسى لابد ان اذكره وهو ان خير الكلام ما قل ودل تلك نصيحه اقدمها الى ابنتى زوزه وارشح ميرو للمره الثانيه لتكون نجمة الحلقه القادمه

ههههههههههههههه

هو انا رغاية يا جماعه

خلاص مش هتكلم تانى

ههههههههههههه

يعنى انتى معترفه بذلك ..عموما انا ام اقل ذلك اتمنى لكى المزيد من التقدم والتفرد

مشرف عدد المساهمات : 654 العمر : 40

فى البداية برحب بالعضوة الجديدة المنضمة للمنتدى

ونتمنى ليها قضاء وقت مميز ومفيد معانا

ومنتظرين مشاركاتها المميزة

استاذى الفاضل نائب الرئيس

على فكرة اعتراف زوزة بالموضوع دة مظبوط

لاكن ياترى المنتدى من غير حد يضيف لية روح المرح والدعابة أكيد هينقصة حاجات كتير

الزميلة العزيزة زوزة لا نستطيع الاستغناء عن روح الدعابة التى لديك

وكنت عايزك بجد تمتحنى بدالى الكادر

وعموما تسمحيلى اسرق تعبير من تعبيراتك او حتى استلفة واقولك

ياخراشى عليكى هههههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههه

بما أن الكلام علي أختي الجميلة زوزة فيبقي لازم اتكلم عن طيبة قلبها وذوقها وروحها المرحة وزي ما قالت همس ربنا بيحبنا انه بعت لنا أخت تاتة طيبة زي زوزة حبيبة قلبي ربنا يخليها لنا ويديم الحب بينا يارب ، وارشح أخي الفاضل ميدو نتكلم عنه المرة القادمة

وبرأى الأغلبية نبدأ اليومين الجداد ونجم الحلقة أخى الكريم "ميدو"

واقول له ربنا يبارك فيك زميلى وأخى الكريم ماشاء الله مساهماتك متميزة وإضافاتك وآراءك قوية واستفدت كتير من ثقافتك ومعلوماتك اللى بتقدمها فى موضوعات المنتدى المختلفة ..وكمان ماشاء الله روحك الطيبة واضحه فى ردودك ومساهماتك,,ويارب تكون موفق فى امتحان الكادر

واضم صوتى مع أبى واستاذى محمد عبد الرحمن وارشح "ميرو" للمرة التانية علشان يكون فى وقت كافى لأبى انه يترك تعليقه عنها

مشرف عدد المساهمات : 654 العمر : 40

اشكرك زميلتى العزيزة همس على تلك الكلمات الرقيقة التى لا استحقها

بل انت وكل اعضاء المنتدى هم من يستحقون هذا التقدير والثناء

فما انا الا شخص سعد بلقائكم وتشرف بانضمامة الى اسرتكم

وانت مثلا موضوعاتك غاية فى التميز والروعة واستفدت منك كثيرا وكذالك باقى الاعضاء الكرام

والحمد لله عدى موضوع الكادر على خير اسهل مما توقعت بفضل دعائكم لى

وردة متحركه

[b]بما ان الحديث عن زميلنا الفاضل ميدو احب ان اقول اننى سعيدة جدا بالتعرف على زميل و اخ لى بالمنتدى
احب ان اذكر بان موضوعاتك جميلة جدا و مفيده و قد استفدت منها كثرا و تاثرت جدا بموضوعك نصيحة الى كل فتاة فعلا هذا الموضوع رائع و أفادنى كثيرا بارك الله فيك و اتمنى من الله عز و جل ان يوفقك ف امتحان الكادر اولا و حياتك الشخصية
ههههههههههههههه
و لا يهمك يا اخى استعير اى تعبير يعجبك فنحن اخوة

[

/b]

[ندعوك للتسجيل في المنتدى أو التعريف بنفسك لمعاينة هذه الصورة]

استاذى و والدى الفاضل محمد عبد الرحمن بشكر حضرتك جدا على هذة النصيحة ااتى افادتنى
و فعلا انا بعترف انى رغايه هههههههههه
و انا سعيدة جدا بالتعرف على حضرتك و الاستاذ ناصر والدى العزيز
فلقد تعلمت منكم الكثير و الكثير
و ادين لكم بفضل كبير
و ادعو من الله ان يديم هذا الاحترام و الحب بين اسرتنا الصغيرة
و تقبلو منى هذة الكلمات يا رب تكون قليله
ههههههههههههههه

مشرف عدد المساهمات : 654 العمر : 40

شكرا لزميلتى وأختى العزيزة زوزة

على الكلام الكبير دة

ربنا يديم عليكى الابتسامة

ههههههههههههههههههههههههههههههههه

في الحقيقة أنا سعيدة جدا بانضمام أخي الفاضل / ميدو لأسرة منتدانا العزيز ماشاء الله عليه مثقف جدا وروحه طيبة فهو مكسب لأي منتدي وادعو له بالتوفيق في حياته كلها ويجعله ممن طال عمرهم وحسن عملهم ، واشكره علي مواضيعه الجميلة التي أفادتنا كثيرا .
وأرشح أخي الفاضل محمد السيد للحديث عنه المرة القادمة